حلم ام سراب..........(حلم الشباب)

حلمنا واحنا صغيرين نكبر نعيش أجمل سنين
بصينا اعلى وقلنا يلا اكيد هنوصل كما يومين
شوفنا القريب شوفنا الغريب قولنا هبنقا زي مين
....

كبرنا حبا وقولنا ايه ده هي الحياه بقت كئيبه ولا احنا لسه صغيرين
وقولنا يلا بكره هيجي ونبقا ممكن مبدعين!!
...

منا اللي سافر منا اللي غادر منا اللي قال بلدي الحنان والحنين
لا اللي سافر قدر يعاشر ولا اللي غادر قدر يناضل ولا اللي قال
بلدي الحنين قدر يعيش مع مجروحين
...

وقولنا بكره نتلم تاني ونبقا احسن من السابقين
ويجي بكره ويجي بعده واحنا لسه مستنيين
قاعدين بنسال حلم هو ام سارب طب واحنا ليه مستغربين؟
...

مااحنا كنا صغيرين بنقول هنبقا هايلين وادينا برده ماشيين بنقول
سيبونا مش كفايه الحلم لسه مستكين
...

شوف كنا فين وبقينا فين بين حلم وحلم محتاريين
تفتكرو هنفضل كده تايهيين؟؟